علق المحامي خالد أبوبكر، على إعلان القوات المسلحة تأجيل استخدام «جهاز علاج فيروس سي» لمدة 6 أشهر، للانتهاء من إجراء التجارب، قائلًا: «شئ طبيعي أنه يفحص ويتأكد، لكن في الدول التانية بيحصل العكس الإعلان يأتي بعد التجارب، إحنا مش أعلننا وبس إحنا زغرطنا مع المرضى».
وقال «أبوبكر»، خلال برنامجه «القاهرة اليوم»، على فضائية «اليوم»، مساء الأحد: «بعد الـ6 شهور ومع أول مريض هيتعالج هتكون هدية مني 5 رحلات عُمرة لأكبر 5 في الفريق الطبي، وهطلع ماسك صورهم في البرنامج وأعمل لهم تعظيم سلام».
وتابع: «بفرض نسبة نجاح الجهاز 99.9%، يتبقى 0.1% ودا حق الغلابة اللي حضرتك قعدت 9 شهور بتزغرط وتقولنا على الجهاز، وفي الحالة دي هتقدم ضد حضرتك ببلاغ، حضرتك تتبع القوات المسلحة أو الأمن القومي أنا مليش دعوة إلا بالمواطن الغلبان، وأنت مش ممنوع من النقد، فالمسؤولية تنعقد على كل من اشترك في هذا المشروع أو روج له».
0 التعليقات:
إرسال تعليق